Home Kuki Black Day Story ANAM NGAILUTNA THISAN BANGIN ALONGE

ANAM NGAILUTNA THISAN BANGIN ALONGE

22
0

(Poem)

Written by Crosby Haokip(7085168510)


Kanam ngailutna thisan bangin along e;
Koiham aselmang jou dinga?
Egypt gama thisan lon bang ei me?
O kei thisan lon jong bang jou deh lou ding.
Kakam in kaseiyin kalung in aphu tun tunin;
Setlei kaka-na itih le bang ding hitam?
O he! Kaka lai ni bang jou louding!

Kagam le kanam dinmun kavetleh;
Peogal lhung theilou kabange.
Mose’n Canan gam agaldot chun;
Akhel din Joshua thaneina apei.
Sim le mal sah le lhanga konin,
Leng le lal loupi tah hon ajabol ui;
Kanam mite kijabolna hoiba ham?

Laijon le laijon namchem in kisunton;
Khat changin Nengju Aisa kigot in;
Katham den ui Paran gamthip noiyah!
Melma saki’n eisulung jing ui;
Kanam thaneina beijou ding ahitai.
Marah twikha donin pu le pa gam ago jou tai.
Thutah kasei jehin lungmonna aum tapoi.

Vo kanam mite, hung kikhom un;
Keiman thuguh khat naseipeh vinge;
‘Pu le pa te chu itih a soh ankivul khauvem?
I-tih-a chu sopi le sopi kisun to khauvem?’
‘Pu le pa chon’a chonlou miho chu;
Kanam mite ahipoi,’ tin seiyuvin;
‘Ban thahat ima ahipoi,’ tiuvin.

Vo Pakai, namite kahilouvu hitam?
Sunggil kel puma kanuteu taona,
Phaimit sing moa kalamkai hou panna chu;
Athon’a kile sah ding nati ham?
Athon’a nakile sah pou pou leh;
Kadanga kalei be den sah jeng o!
Kamit muthim’in koi jeng o!

THUTHAH HETNA BELAP (13 SEPTEMBER 2021)

Ahin la khom
Mangpu Haokip (AR)

KUKI INPI PRESIDENT LEH KUMPIPA ANAHI SA JA UMTAH PU THANGKHOSEI HAOKIP, TUN AMA UM TAHIH JONGLE CCPUR 13 SEPTEMBER 2018 KUM A KUKI BLACK DAY SILVER JUBILEE NIKHOA A HOULIMNA AMA THAH GELDOH TOH GOMIN KUKI BLACK DAY TOH KISAIYA ATHUSEI/AHOULIMNA THEMKHAT KAHIN LAKHOM E, . (Group a hung jao thah ho dinga kahin vel so kit ahi)

  1. Kukite hi akitohmo ihi pouve, akikal mal mul joh ihiuve
  2. Angol jep jep in nampi na katoh u, aching jep jep hon ama na akitoh u ahi.
  3. Kidang kasah pen chu Kuki Black Day kum 25 kival ta a man louding tia pom jong ki um nalai.
  4. NSCN (IM) hon kicham taute tin kakoma ahungsei in, mithat masa nahiuvin ngaidam hung kithum masat uvin kati leh anom kit pouvin, hung nung hung kit tahih uvin kati peh e.
  5. NSCN (IM) in numei chapang athau ahin, aching athem ahat ho hi eima hon ikitha kit uve.
  6. Kuki Black day mang hih uvin, keiho dingin anom poi tin UNC in ahungsei in, kenjong keihon jong kaman nom hih beh uve, chutia manlou ding natiu leh neitha sau kami hou leh kakho hou na suhmang hou chu neinung peh uvin tia kadonbut le ima asei thei pouve.
  7. Kuki nampi hi aboina hi eima ngaidan seiho jeh a kiboi ahi.
  8. Eiho Kuki te hi imacha kiki ngaito lou, India Govt in la ithim kichat keiyu hi ipi jeh ham?
  9. Kuki te moh Kuki ihipouve, international Kuki ihiuve, kichat lou ding ahi.
  10. Munnom leh chamna jep a umho hi angol jep uve. Amun in apoh ahi.
  11. Ukhrul lang Kuki hohi thudih jep Nam ngailu jep in kagel e.
  12. Ihinau ija chatpi nalai uve, jachad pi angaipoi
  13. Kuki Inpi dem hohi khaova khailih thei ahi.
  14. Kukite hi government neisa ihiuve.
  15. UCM president pa koma nanghon Indian Constitution naboipiu ahin, Keihin Kuki te Constitution kaboipi ahi kati leh alungdong keiye.
  16. Kuki Black day a kon a white day a manna dinga chu eiho ikithah sem kit u angaiye.
  17. Leiset chunga vangphat kiti hi a danger e.
  18. Masanga chu Tangkhrul te khu amaho le amaho kithat to jiuva, Kuki ten iga huh doh jiu ahibouve.
  19. Agenthei kithopi dinga christian kihija, eikinuisat vang pha kasa poi.
  20. Record a kimu dungjuiya NSCN (IM) eitha doh u chu mi 905 ahin, hinlah ajaolou tampi a um nalai e.
  21. Pathen hi eiho langa vang apang mong mong e.
  22. Pathen koma kataona chu asempha kapan louleh asu sen jong neipan sah hih in kati.
  23. Kuki te khonung ding kagel ji le kaki moh papa jie.
  24. Kuki Black day kum 25 valta, mihem hile jinei phat ahitai.
  25. Ebola ikilolnau ijui lou u hitam? Haipi kilolna chu hoilam ba hitam?

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleELECTION PHAT LEH CANDIDATE KOIPEN CHU VOTE PEHDING HAM?
Next articleKHAHDOH PHAT HITALOU HAM?

LEAVE A REPLY

Please enter your comment!
Please enter your name here