Home N Lhungdim AN AUTOBIOGRAPHY OF PU HAUJAKAM CHONGLOI

AN AUTOBIOGRAPHY OF PU HAUJAKAM CHONGLOI

43
1

AGAINST ALL ODDS.

Asun
N.Lhungdim
Thangting House
Molnom-West

n lhungdim
N-Lhungdim

18th October, 2021.

PU HAOJAKAM CHONGLOI – AN EXTRAORDINARY MAN IN THE KUKI LIFE AND LORE

Pu Haojakam Chongloi hi ipi dinga Extraordinary kiti ham itileh ama chu anu apa lekha them a Office a natong ahilou leh sum le pai muna nei chapa ana hipon Thinglhang chong a kho neocha khat a hungpen leh akho a kipan ni 2 keng a che a Town naipen Haflong a lekha hahsatah a anasim ahi ti seidoh nom jeh a Extra Ordinary ahi tia kasei ahi.

Kuki te lah a B.A pass masapen leh IAS pass masapen
Pu Thangkhopao Kipgen leh
Pu Kaikhokam Kipgen chu panmun lentah leh sangtah ana neilhon jongleh amani chu athupi poi tina ahipon amani hi apa lhonPuLalseh Kipgen leh Pu Thangpu Kipgen chu Manipur Govt. a tohna mun phatah ana nei a achate chu School leh College hoipen tidinga ana kaisah uh ahi.

Vetsahna dingin
Pu T. Kipgen Manipur a School hoipen Johnstone High School ah Matric ana pass in North East a College hoipen Cotton College Gauhati ah Graduate ana hin hitobang machun Pu Kaikhokam Kipgen jongchu Cotton College a B.Sc Zoology Honors ana pass in aban ah Delhi University a M.Sc Zoology 1st class ana hin ahi.

Tuni a athusim isei ding uh Pu Haojakam Chongloi chu achombeh anu apa lekha helou akho jong Haflong kom Borail lhang kom lang um kho neocha khat Gopikot a kipat ni 2 kenga ache leh Haflong Town kilhungbep ahi.

A Shool kaipat najong chu akho uh Gopikot a kipat a miles 20 a gamla a anchang Kg.20 akipoh a gakai ahi nalai in ahi.

Chomkhat joua Haflong Town a hung kichon a 1954 kum a Gauhati University a1954 kum a Matriculation
Examinationhung pass ahi.

1954 kum chun kei in Churachandpur Middle English School ah Class-IV kana sim nalai in ahi.

Akidang pen chu Matric a pass jou in College kaina ding sum ahol khom uleh Cheng 100 ahol doh un hiche chu akipoh a College kai dinga che a Barapani Lake kom a
Union Christian College kiti a College gakai pan ahi.

Hichu 1955 kum ahi.

Sum cheng 100 achu College fee,
Mess fee leh
Hostel fee
apeh leh kichaidoh a alungdon man a in a kinungle dinga akigot laitah a Hostel Warden patoh kimuto lhon a ahahsatna alunggimna alungdonna asei leh Hostel Warden pa khohsah najeh a sum lo nathei Jingtho dah RISING BELL voh ding Hostel a
Bathroom,

Latrine ho suhtheng dingleh adang dang sum mu nathei ana bolpeh jeha College hungkai lhung thei bep ana hin ahi.

B.A ahin sim ding langa Shillong a kichon a Govt. kham mubai lai ahijeha Assam Secretariat a Clerk na anatoh a ama le ama hung kivah toupeh ahi.

Hiche kahlah achun ahinkho a atohding leh ahina ding toh kitoh a Pathen in agonpeh hiding ham
Pu Thangkhochon Misao IPS masapen pachun Kangpokpi High School ana boipi chu ama achedoh dingtah jehin
Pu Haojakam Chongloi chu Kangpokpi High School vetup dingin ana koudoh in ahi.

Red Cross hin phutdoh Henry Dunant
thusim a kisei
When Destiny Catches a man on his sleeve he cannot just Escape ahi bangin a Fate in amat hiding ham chulai tah achun Kuki Hmar Communal Tension ana um in KNA General Secretary in ana pangin Tipaimukh langa kiboina mun hojong hangsan tahin aga villhan ahi.

Tuni a iseinom pen uchu achunga thumakai a isei ubou ahi in
Pu Haojakam Chongloi hi keigel in
Still Frame of Kuki LIFE and LORE
ahi katinom in ahi.

Shillong a aum lai a kipat in
Jat le Nam Ngailutna ana vei in amaho lamkai na in
All India Radio Shillonga Kuki Programme umding jong chulai a Home Minister Govind Ballab Pant kom ah Memorandum ana pe in hiche ho Result a kon a 1963 kum a Information & Broadcasting Ministry in Imphal khopi a
All India Radio Station phudoh dinga ana gel uva chu Kuki pao manding ham atiuleh 1956 a mi phabep khat kihoutoh a Kuki lhenga Thadou ana hetlut jeh uva All India Radio Thadou Programme tia hung umpan joh ahi .

Pu Haojakam Chongloi hi Kangpokpi High School athisa tobang hoitah ahin semdoh a khonunga Kangpokpi Dist. Headquarters jong hi a Educational Hub jong hung hidoh ahin ahi.

Keito kahung kimuto nahi 1960 kum a June lha a chu Chothe munpi kal a Mao lei lah a Tipaimukh lang vil a ache ahung kinungle keijong ka U Limjadem toh Songphu,
Songkot leh
Mamong leh
Kongjanglok lang Electoral Census a kache lhon a kakito uh ahi.

Hiche chu alim a kagalmu ahin ajong kaki houngam lou mi khat anahin ahi.

Ahinla vangphat umtah in 1971 laichun Churachandpur Higher Secondary School ah Principal in ahung pangin hiche a konchun kimel hetna keo hilou in kimu jinga hahsat genthei na a kikom jingin kana um un ahi.

Pu Haujakam Chongloi chu Churachandpur a Principal a kon in1977 in Promotion amu in Tamenglong ah Ditrict EducationOfficer in transfer ana hin aban in Deputy Director Tribal Dialects ,Imphal ah a na um kit in ahi.

1973 kum kichai kon a a IRS Service join ding a a kachedoh jehin kinung muna ana um tapon ahinla ama in Manipur Govt. Education Dept. a Deputy Director Tribal Dialects a na ana tong in phatkhat laichun Manipur Govt. in Kuki dialect jong Primary Stage a simthei ding ati jehin Text Book tamtah sutdoh leh tadoh in ana um in ahi.

Keima tah injong lekhabu neocha khat Class-IV a SOCIAL SCIENCE a simdingin

HETCHEN CHIHNA LHONGPI
kitinkhat kana sun kha in ahi.

Inlam a Holiday a kahung khat in Sadar Hills a District Education Officer DEO ahilai in ama noi a Deputy Inspector of Schools chu D.M College a B.A kasim lai1963 -64 a ka Roommate leh kaki voppi theipen
Pu Haokholun Haokip toh Kangpokpi Thomas Ground kom a khun Office anei lhon in khatvei kachepa in ahi.

Ahung kitol tol in 2000 kon lai chun
KUKI INPI President a ana panlai in Assam a Tinsukia District Sadya gam a 1917-1919 lai a Kuki Haosa 12 tah Open Jail a ana koina mun uchu Assam Govt. a gamthum ding ti akiphasah dungjui uvin kholjin in ahung uvin hiche to kimat in
Pu Haojakam Chongloi keo hilou in Pu Dr. T. S Gangte leh aloinu chuleh Pu Athong Lenthang Ex EM NC Hills ADC jong nivei tah Sadya gam ah kana kilhonpi in Sadya SDO leh D.C Tinsukia tojong kana ki muto uvin ahi.

Athu leh ala chu amu kon akhohlai tah tiding ham in kei retired phat ahitah jehin kahin dalhah leh anungjui ding ana um tahlou nungin 2016 chun Vangphat umtah in Assam Police Officer Pu Lamhao Doungel Additional S.P Tinsukia in pontho tah in ahinjui in Assam Govt. in Bhiga 4 eihin pe uvin hiche mun chu Kuki te Heritage Asset in ahung kisemdoh in
Pu Lamhao Doungel hapan najehin hondohna songphu jong SDO Sadya in ana nei in a fencing jong ana semdoh tan ahi.

Pu Lamhao Doungel jat le nam ngailut nahi melchih thei mong mong ahi.

Hiche mun hi kana sei jingbang in koi tobang Houbung Kiloikhom hon Christian Centre a nei a Gospel seiphong naleh School phudoh nadinga kijen tahmun ahi ajehchu ArunachalPradesh toh kimat ahi Arunachal langa Mission field neina dinga mun kilemtah ahi.

Amun ngah togom a amangcha nom aum leh chance akilah in aphan ahi.

Achaina in ipi dinga
Pu Haojakam hi Kuki te LIFE and LORE a STEEL FRAME ahi kati ham itileh Still Frame kiti hi insa dinghon thingle go a kingam hilou thih ngensen a kiphutdoh a kigong tobang det leh son um mihem ahi tina a kasei ahi.

14th October 2021
chun Pu Haujakam Chongloi in a in neipi Hatjakim toh Houbung dantheng a akichenna lhon kum 50 lhinna alopna leh ama hinkho thusim Against All Odds
kiti thenso nakin Kangpokpi a in Gopikot Vengthah ah kilom tah in anei in keijong khohtah a eihin koujeh in khohtah in kagel in kaga lha in ahi.

Hiche function achu Jin ja um tin Programme a eipan sah jehin ki engbol tahin kaga lha in ama hi kaginchat sangin akum ana tam in kum 91 kahitai ati in ahivangin keisangin ahatjo nalai in ahi.

Ahinkho thusimbu Autobiography title Against All Odds
ati chu Kuki te Paochamtuh a

Uingol Gamsuh tobang ahi atichu kitoh kasa lheh in a in a kipat nading a sum Cheng 100 kipoh a College kai a che a hichan chan hung gei hi ama tobang ium diuvin katahsan pon ahi.

Ama tobang khat Hmar ho lah a Pu Vara Fimate kitipa chu Matric a pass in College kaina ding sumhol a anu asol leh anu in cheng 60 ahin mu in anu kom a alhom behseh e tilou in

Henu lunggim hih in atam nalang a cheding kahinai
atin Shillong ah ama le ama sum kol a kivei in B.A achai in B.A achai jou in Guwahati University M.A History 2nd class a pass jou in 1971 in Mizoram ah ache in Mizoram a Champhai College phutdoh loi in apangin Champhai a kon in Kolasib leh Aizawl College lah a Principal in ache in College Principal khat in a retired in achate jouse akeng a dingthei in asemdoh in a in neipi jonghi Champhai College a apan lai a Champhai Nungah Mizo ho seidan a melhoi lou hilou beh khat toh akicheng in ajinu jong lekhathem ahin Higher Secondary School khat a Principal a retired ahi.

Achaina kei a kaseinomchu khanglui tiding ham a lekhathem atamjo hi anu apan asemhi lou ama leh ama leh ama kisem ahilou leh Pathen sem tiding tobang ngen ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articlePathen na kon chun chonset abol jom jipoi
Next articleSECOND WORLD WAR 1944 SUNGA KUKI TE RECORD PHABEP VELVETNA

1 COMMENT

  1. Jaumtah Pu N.Lhungdim IRS Retd.

    Dt.14.10.2021 nia kapa Haujakam ķin kimanna chunga chom chakhat a nahoulim chu kangainom lheh e, nang lekha hinsim dan nasei chu kachapa khat upsc civil service dinga kigo khat kaneijin na lekhasim dan le nahung lolhinna thu nasei ho chu jahen lang hile ichanin encourage ahidem tin kalungthimin kagel gel jenge.

LEAVE A REPLY

Please enter your comment!
Please enter your name here