Home N Lhungdim Amasan Pathen dei leh alenggam hol masa uvin.

Amasan Pathen dei leh alenggam hol masa uvin.

17
0

PATHEN NIA PATHEN THU A KIHOULIM NA

Manipur a Govt Service khat choh ding aman ija a ki joh leh kichoh market rate ija hita em ?

Asun
N.Lhungdim
Thangting House
Molnom-West

n lhungdim
N-Lhungdim

12th September, 2021.

Bible Text
Mathew 6: 33

Bible kile lui ah hiche thucheng hi
amasan agam leh achonphatna hol masauvin
tin akile in ahi.

Hiche hi English a The Kingdom and his Righteneouess kiti hi literal a kilena ahi.

Christian ten ihet diuchu Bible a thucheng hohi a meaning 2 aum in khat chu literal meaning athucheng in ahilchen tina ahi.

Anina chu Symbolic meaning ako in avetsah tiding ahi.

Milham tichu Theology simlou hon Bible chang ihet uhi athucheng in ahilchen a ihet u ahipen in ahinla atah tah achu hiche chu ahipon ipi aseina ham ako pen joh a meaning dih tah joh ahi.

Jesu Christa in leiset a alenlai a athusei atamjo chu thulem tepi na a ana sei ahi.

Tepi thulem asei chu thulem khat asei a aseijui teleh ama tahsan hon ipi aseina ham ti akiholdoh diu joh a ana dei ahi.

Vetsahna dingin Luke 15 na a thulem 3 kijom 3 ana seina a
CHAPA VAHMANGPA
thulem ana sei chu Christian tamtah in chapa vahmang pa thusim chu atah tah tobang a gelloi aum in ahi.

Chapa vahmang pa chu aum mong mong ahipon Christian te Pathen Ngailutna a kon a iva mang uva ihung ki nung uleh Pathen in naphat ding leh kangaidam ding ahi ti umlou a condition umlou a kingaidamna chonset kinung khollou na che tobang kingaidamna loupi aseidoh nom jeha chu chapa vahmang pa thulem chu ana seijoh ahi.

Tuni a chomcha khat Pathen thu a ihoulim na diu chu ahileh Jesu Christa in Matthew 6:14 -33 kah a tamtah asei chu akhum kha na a hiche ho jouse masangin
Pathen dei leh alenggam
hol masa
uvin kiti hi Pathen dei ipi hi a alenggam ipi ham hol masat dingchu mi kimkhat dinga het hahsa hinalai ahi.

Hiche hi
The Living Bible para phrase a kisun a khun ivetleh akichen pen in ahi.
But your heavenly Father already knows perfectly well that you need them, and he will give them to you if you give HIM
FIRST PLACE IN YOUR LIFE AND LIVE AS HE WANTS YOU TO.
Leiset a nangaichat jouse Pathen in phatah in ahenai nahinkho a Pathen No.1 a nakoi a a MA dei bang a nahin leh
nangai chat jouse aman napeding ahi.

Hicheva aseichu na hinkho ah Pathen chu No.1 in koi in chutileh ima na ngaichat jouse nakipe ding ahi tina ahi.

Tulai leiset ahin deichat ding ngaichat ding adimset in Christian te hi koima Pathen No.1 a koi akium tapon ahi.

Hiti jeh a chun na ngaichat houhi
Chart khat sem inlang No.1 akipat 10 koi inlang
No.1 a ipi nakoi em ve mongmong in No.1 a nakoi ding kagingchapon ahi.

Tulai a No.1 a ikoi uhi kimkhat in
CHIHNA le THEPNA
akoi in kimkhat in
HAONA
akoi in kimkhat in LETNA
akoi in kimkhat in INCHEN THEINA akoi in hita chu Pathen hi No.1 a nakoi lou jongleh No.3 leh 4 beh a nakoilou leh nangaichat atamjo chu namulou ding ahi.

2006 laichun Houbung khat a kaikhom na ah Workshop khat kana bolin hiche Questionare hi kanadong in tun jong Workshop Paper ho chu ka Library kakoi nalai in ahi.

Hiche Workshop Paper a chun kavet leh khat le ni in Pathen No.1 ah kakoi tin tick abol un ahinla adih lou asei u ahin amaho le amaho kilhem ahi bouuvin ahi.

Amaho chun amaho kilhem keo hilou a Pathen jong alhep u ahin ahi.

Mihem tehi thudih thutah seisang a adih lou mivet ahoiding leh kilom joh igel thupi jou vin ahi.

Eima leh eima chuleh ivel a ho ilhep ban uva Pathen jong lhepding
itio hi boltahlou in aphan chuleh dei a um in ahi.

Milhep hi chomkhat ading ahahsa pon Pathen ima jouse he leh mu pa chu koiman kilhem thei lou ahi.

Pathen ahinkho a
No.1 koi hi umjong um maithei ahi in ilah uva khat le ni in mi lakh khat a khat ham in Pathen chu
No.1 a akoi leh leiset a angaichat jouse bukim kei a mu jin ahinla
No.1 ikoi lou jeh uva ingaichat jouseu hi imulou uh ahi tihi kichen tah in hiche Bible chang ahin akimun ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleHINKHO LAMLHAH THUCHIN PHABEP-XIII
Next articleIpidinga Kumseh le 13 September hi Kukiten “Black Day” tia iman jiu ham?

LEAVE A REPLY

Please enter your comment!
Please enter your name here