Home N Lhungdim AIZAWL A SOLOMON TEMPLE NA HET KHAH EM ?

AIZAWL A SOLOMON TEMPLE NA HET KHAH EM ?

26
0

Solomon Temple kiti hi atah tah a chu Jerusalem a Solomon lengpa in ana sah ahi.

Asun
N.Lhungdim
Thangting House
Molnom-West

n lhungdim
N-Lhungdim

15th September, 2021.

Hiche Pathen houin khat sahna dingin leng David in ana gongin ahinla Pathen in leng David chu thisan naha so behseh e atijeh in houin asah ding ana phalpeh pon hijeh a chu leng David chapa leng Solomon in Jeruslalem houin chu ana sah ahi hijeh achu History a Solomon Temple tia hung kihe peh ahi.

Hiche Solomon in ana sah Jerusalem a houin chu Persian leng Nebucanezar in Israel ahin bulu a nei le nga tamtah ana chom a houin jong asuhset a asung thil agun amang jouse jong ahung pohmang chuche keo hilou a Israel mi tamtah jong soh dinga ana puimang ahi.

Hichu B.C 568 laichu ana hitan ahi.

Chomkhat jou Persian gama aAchaeminid Empire a Cyrus lengpa Cyrus II Cyrus the Great ti kihe pa chun 530 -600 BCE in Israel te lhadoh ding Pathen a kon in thupeh kamu e ati a leng a pan kum 2 na lhadohna decree ahin sign a Israel mi 50,000 leh Hou in masa a Nebuchadnazer in Houin theng akon thil mantam anapohmang hojouse leh Houin thah sahkitnading Building material toh ana nung sol doh kit ahi.
Israel hung kinung le uva
Solomon Temple
ni na chu Bible a kimudung jui a Zerubabel in ana sah chu Leng Herod ,Herod the Great chun Israel te kipanading ana thah
sahdoh kit ahi.

Hiche Solomon temple nina chu Jesu Christa thijou A.D 70 a Israel Sepoy leh Rome sepai ho gal ana kisat uva Rome sepai len General Titus in Houin ana suhset a ana dalhah ahi.

Hiche 70 AD a Houin kisu se chu tuni chan a sahphat lou a um ahi.

Mizoram a Dr. L.B Sailo kitipa hin Houbung khat Kohran Thianglhim Houbung Theng kiti 1994 in ana phutdoh in ama seidan a Pathen in 1991 kum chun amang in Solomon temple lim khat ana vetsah in ahi.

Ama Dr L B Sailo seidan in Solomon Temple kiti hi ajong kana gel khapon kamang in jong kana mat khapon ahi.

Ahinla 1991 kum chun jingkah khat kahung kitho leh kichen tah in kamang a kana mat chu kasundoh in ahi.

Hijeh chun Aizawl solang ah gam neo khat ana cho in amun aneo jeh leh thil poh le na akisuh lou jehin lhum lang Aizawl a kipat Km 10 ah December 23rd 1996 in thensona kin INAUGURATION ana kibol in ahi.

Hiche Temple ahi mi 2000 tobang aket ahin MAIN HALL aum in a
IN PA ah mi 1000 a ket in alet dan hi 180 Sq.feet ahi.

Temple sunghi Sq. feet 120 ahin a Varandah hi 30 feet ahikit in 30 feet hi aMain Hall alang 4 ah aum in ahi.

Hiche main hall a mi touna thei mun hi
The Porch of Solomon
Temple Solomon Temple in pa tiding ahi.

A design chu ahileh a Building hi kot 12 umding aning 4 alang alang a kot 3 umding a. Temple in ako ding chu North
South
East

and
West
angat sohding ahi.

A inpa achu khom sangtah tah umding hiche khom hochun David Ahsi lhagao theng Thuphondoh 1:20 na a Houbung 7 kiti avetsah ding ahi.

Khom jouse a chu Jesu Christ Cross a Houbung Emblem beh den ahi.

A inpa chung a chu lhagao theng ni in Pengkul amut pet lim um ahi.

A Compound sunga chu Natural Park khat um a gam mang thing ho leh theiga jat chom chom ho jucha vacha ho um nom tah a um nathei
Sanctuary
khat umkit ahi.

Visitor ho dinga
Standard Restaurant khat um kit ahi.

Hiche Houin Compound sunga chu Educational Institution leh Drug addict leh meithai umna ding neilou ho umna
Polyclinic Hospital khat um ahi.

Sum le pai angaichat um jouse Houbung mihon ato holeh leiset chung a mun chom chom a kon a donation jong akimun ahi.

Temple visitor hon kah lah lah leh donation ana bol jiuvin ahi.

Ahinla hiche hi Compulsory ahipon ahi.

Tuni a iseinom uchu Jerusalem a
Solomon Temple kisuse chu Israel gam a gache hon gave jongleh Israel gam a gache a temple gave joulou mi atam jehin
Solomon Temple
anaipen a venom ho dinga Aizawl a che a gavet thei ahi.

Israel a Solomon Temple 70 AD alkisuse aga vetjui pen uchu abon a suhset moh asuhset lou uh lhjmlang bang
Western Wall or Wailing Wall

KANA BANG
kitichu mijousen aga muchet u ahi.

Atah ajou ula akihepon hiche kana bang Wailing Wall a che jouse chu alhisoh jui ahi hijeh achu
KANA BANG kiti ahi.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleKoiham themmo na nei lou ding
Next articleHINKHO LAMLHAH THUCHIN PHABEP-XIV

LEAVE A REPLY

Please enter your comment!
Please enter your name here