Home Lahkhom ADIHPOI TILA KIHE NGALA AHIVANGA KI TANSANSAN JENG-III

ADIHPOI TILA KIHE NGALA AHIVANGA KI TANSANSAN JENG-III

151
0

By Shonkhogin Hegin Haokip
 Maranatha Cottage Hebron Veng
Phaipijang Langol Imphal West  # 9774096152

Shonkhogin
Shonkhogin

 TOPIC: KHANGDONG HILAIYA JOULA HI-NGALA ADIH HAM TIA KI TANSAN HO.
By: Rev.Dr.Kh.Khaijakham
Arranged by: Bro. Lien Vaiphei.

5.(Ngana) :-

Khangdong hi sunga Jesu juikhoh angaipoi, olle juitan, phat sot tah nanei nalaije. Pathen hou ding hi tehset lama bol ding ahibouve.

Hiche thu hin khang dong tamtah chu ana joji ahi tai.Khang dong lah-a Pakai Jesu giltaha jui atampon ahi. Keiman kum 38 sung Pathen lenggamna kana tohnaa kamu chen chu, “Jesu kana jui vah valin kakisih lhehe” ti koima kamuukha naipon, Jesu juigei ahung kihetchena kisihlou jong kamu kha poi. Pastor Elvis Nehlal in, “Kum 30 jen” ti la anasemin, kum 30 ahia Jesu jui pan ahi chu akisih dan imuuvin ahi. Lasempa khatin, “Aw ka phat chesa jouse koukit thei leng.. thichan geija ei ngailupa hi, kasumil sottaloi, Pakai nei ngaidamin” anati ngui nguijin ahi. 1975 laija Churachandpur Crusade a Lalsangzuali Sailo lasah, “Wasted years, wasted years, Oh, How foolish!” ana sah chu kagel doh jie.

Hiche laho hi kagel gel le, kum 20 kaphah ma sang hinkho chu pammal kasa Iheh jengin, hijong le kum 20 kahilaija Pakai ka hin juipat thei vang pha kakisa hehin ahi. Jesu neilouhon chonset bolna dingin phat ahom thouvin, Jesu neihon Pakai natoh na dingin phat ahomthou ve. Eiho laha vang Jesu juivah juigei ipi ham ti jong henailou, umtun beltun a kitung mai mai nalai jong akitam nalaije.

6.(Gupna) :

“Nakam sunga nahetlut thei jouse henglut jengin, kuva, khaini, zarda, dumphol, raja, mom theijouse, chep theijouse, Ihaitheijouse, akhoh hihbehe, Ihagao hinkho ima atongkhaPoi,”

Hiche thu hi atahsan jehun milham keoseh hilouvin,pastor le houbunga lamkai chanin vetlom lou tah tahin iumjing nalaiyuve. Ahinla, imu chensau thil khat a ume. Pathen adia hinkho thengtah manga, Ihagaova kineppi theitah koi hijongle kholchil le chun, hiche achunga kiseiho bollou ngencha ahiuve. Abang chun anu leh apateu thu ngai jalin neo apat bollou ahiuvin, abang chu Pathen ahin muchen phat’uva Pathen deilou ahi ti hechena, sottah anabolsau hijonge lhagaova kalson anoptah jeh uva angah u ahitai ti thu ahin hil thei diu ahi. Lhagao thu jong panglou hela tahsa damtheina 6suse ahina keo seh jeha jong sorkarten jong aphallou ahi..

Mipi umkhomna a chep leh mom phallouna mun tam tah uma ahitai. Sorkar injong adeilou chu lhagao hinkho adinga vang dei um lou tah ahi. Bible ka simtil lai ahitai; jan khat kamanga biri kanachep’in, kakisih lheh jengin ahi. Kahung khah chu, kamang ahi ti kahet chun iti kakipa hitam! Atahtaha ana chep kit hileng kahinkho chu kisonlelna dimset’a kaman ding ahitai ti kahechenin ahi. Mitheng Paulin Corinth houbung ho henga, can

Lhagao le tahsa a kisuhbohna Jouse akonin kisuthengu hitin, Pathen gingin thenna a chamkimin umuhite” anatin ahi .

(2 Cor. 7:1).

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Previous articleSEPAI HINKHO THUSIM-II
Next articleTHUSIM TAH, TUMASANG’A ASOH SA