Home Lahkhom A Brief Appreciation note

A Brief Appreciation note

96
0

By Shonkhogin Hegin Haokip
Maranatha Cottage Hebron Veng
Phaipijang Langol Imphal West # 9774096152

Shonkhogin

TO MY WIFE ON HER 55th BIRTHDAY ON THE 10th OF MAY 2021

Numei jiphatah kon akimujou dingham ? Hito bang numei chu sanapah jem jouse sanga hoijo ahi. Ajipan jong alung thimin amanu chu kison nan aneijin, Hijeh-a chu ajipan phatchomna lha sam louhel a aneiding ahi. Hitobang numei hin ajipa chu thilpha abolpeh -in, Ahinkho lhumkeiyin ajipa setna abolpoi.

PROV.31:10-12.

Tunihi kaloinu kainneipi Birthday kum 55 lhinna ahitoh kilhon in achunga kakipana neokhat seidoh thei na dinga Pathen in phatpha eipehlhon jehin, amasapen tah in Pa Pathen kathangvah e. Kakichen kal lhonhi kum 37 aval tan, ahinla tuni changei hin amachunga kakipana hohi seidoh nading phat pha kanamu joupon, tuni ahi phat chomcha kahin man nom ahi. Kaloinuhi kaki chen lhona patna keiding a hi kajijong ahin, ka best friend jong ahin akahlah lah leh keisanga kum ko langa chapang ahivangin kanu dinmuna jong kadin sahji ahinalaiye.

Kaloinutoh kakichen dan themkhat hettheina dingin gah kiseileh, ken amahi kajidinga kana hel hela anop phat na kicheng lhon kahilhon pon, ka penthah jouva patna hi kajidinga kanatao tao laitah in, Pathen miteho lekha sutkhat kana mun, Pathenin nagon peh khat chu namuphat leh nang man jong deijin natin amanjong nadeiding ahi tikhat hi kalung thima aumdentan, Pathen koma hitin kanataojie, Pathen nungah tamtah ahoi apha umjongleh kajidinglou chu deichat lungthim neipe hihbeh in, amavang keidinga neikoi peh pen pen chu, miding in hoihenlang hoihih jong leh keidingin hoisel in nei mu sahin tia kana taona chu, Pathenin tua kaloinu chungah eina guilhunpeh in, ana kideisa kahilhon louvangin ahungkingaito leh kanilhonin kilungset totah in pan kahin lakhom lhonin, kahung kicheng lhontai.

Amahi Pathenin eipeh mong mong ahi ti kahet na khat chu ahileh, kakichen lhona patnahi amahi chapang seingai tah bangin keithu thu ahin ngaiyin, kei thusah-a inchen kahin semlhon in ahileh, nomvang anom lheh nan, khantouna vang chu beihel anahitai. Hiche a kona kahet chu ipiham itileh Numei lungthim jaolouvin inchen semdohnavang aumtheimong mong poi ti kichentah in kahin hetai. Hijeh a chu insung a numei lungthim jaolou na a inchen kisem jouse avatna khat aume. Pathen in numei le pasal 50:50 mopohna eingense dungjuiya inchen ihinsem phatle bou inchen kisem doh jou ahibouve. Hiche phat chun amanjong avetvetna ahile chun ahitheilou ding phat in ama ahungkipatna inchen louchen ahinpat phatna insunghi insung tobang hung hinah nah ahi.

Aman insung ahinpoh a patna hi milah a midan dan a hung kium doh anahibouve. Hitia chu aman insung khantou machalna ahin kilah a patna chu, insunglama ama kangense a Pathen lama keiman mopohna jingkah nilhah maicham kahin kimopoh jeh lhona hichen geihi Pathenin eihin mapuilhon ahibou ve. Keimahi mithip thuseitheilou kahijeh in golle paijong kasem thei pon, minjong ngamsum na eineithei pon, kaji jalleh kachate jalla milungset kichang hamham ahin, amajalla tu dinmun chen geihi kichang ahibouve. Amahi aneova patna nuthu pathu ngaitah a hung khanglen ahitoh kilhonin, keitoh kahung kichenjou vin jong, thungai tah in ahungkhosan ahi, ama hi golle pai angailun hijeh chun, kikholai lento ding tihohi ama thanopna khat ahin, ahinla keichu hichechu kahina ahikit lou jeh in, akin akhobeh seh louva ahileh vale loudingin kaseiyin ahileh amanjong akisipchah kheh kit tan ahileh hiche jonghi kakipana lentah khat ahi.

Chuleh Pathenin goulah a gouloupipen chate pasal li eipe lhonin, amahon jong Pathen lungsetna jallin, keini eikhoto soh keijuvin, keinin kajo lhon louding imacha pohgih hahsa eipoh sah lou jeh u vinjong amaho jallin Pathen kathangvah e. Hicheho jouse jonghi minu kitah jehleh kitup jeh ahi tijong kaseidoh nomin, insunga minu kitahtah leh kitup tah a hinkho mankitihi chate adinga sana dang ka sanga mantamjo ahi. Insunga minu mopohna hi kavetleh alenlheh jengin, minun Pathen anahsah hih a, ajitoh akilung khatlouleh pohjou chat chat vang ahipoi. Minuhi insung foundation tobang ahin, insunga mipa aluchang akihi vangin insung kitivanghi atamjo minu khutna kingam ahin, hijeh a chu, minu achaloh lou kalse chu insung pha chomlou ding tina ahijenge. Achaina a, kasei nom pentah chu ipiham itileh, seiding tamtah umjongleh tunichan gei dinmuna akilhun theina hi, amasapen tah in Credit chu Pa Pathen kapen, anina a kaji kainneipi kapen, amani panpina jalla tunidinmun hi kigei ahi ti kaseidoh nome. Pathenin ahunglhung ding hinkho lampia tua sanga hoijole phajo cheh in lamkai jing tahen. Hiche Testimony eisim lhah peh ho jouse chung a jong kipa thu kahin phongin, Pathenin nachung cheh uva phatthei naboh taohen.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleLEISET CHUNG A HI JOU IJA UM NAHET EM?
Next articleHERD COMMUNITY or IMMUNITY KITI HI IPI TINA MONG HAM?