Home N Lhungdim 28th OBSERVANCE OF THE KUKI BLACK DAY 13THSEPTEMBER2021

28th OBSERVANCE OF THE KUKI BLACK DAY 13THSEPTEMBER2021

22
0
OBSERVANCE OF KUKI BLACK DAY
OBSERVANCE OF KUKI BLACK DAY

OBSERVANCE OF KUKI BLACK DAY

Kuki te Sahnit nikho nitna

Asun
N.Lhungdim
Thangting House
Molnom-West

n lhungdim
N-Lhungdim

13th September, 2021.

Tukum hi hiche SAHNIT kinit na kum 28 na ahitan ahi.

Kuki te chondan in mithi aum leh thi ngaina a thiho chu SALNIT akiti in thise a thi aum leh SAHNIT a
akitin ahi

Kahet khel lou leh gollui lai in thise a thi hohi khosunga jong kipolut lou a khopam a kivui jui kiti khat kahen ahi.

Hitia chu mithi thipha hileh thise hileh Kuki te chondan a jana thohpi na ana kinei jui ahi.

Tulai khanga Naga te toh kitha leh kimat to hi kahlah lah khat le ni ana umjing ahi.

Vetsahna dingin Kuki lamkai Pu Major Pagin Kipgen Naga hon athat uvin chuleh Pu Lalkhohen Thangeo jong Naga hon ana that uvin ahi.

Kuki lang hon jong lungnat man a khat le ni ana kithat jong um tei ding ahi.

Ahinla mi tamtah kitha English a Massacre kiti hi ana um ngailou ahi.

Massacre kiti hi ipi tina mong ham?

Dictionary a kimu dungjui in savage and excessive killing of many people tin akile in ahi.

Savage kiti chu tha mai mai hilou a melse tah leh gimnei tah a kithat tina ahi.

India sungah history a massacre gimnei pen chu Amritsar a Jallianwalla Bagh a General Dyer in mi kikhom ho thal ana lhakhum ana tha chu gimnei pen ahi.

Hichu April 13th 1919 kum ana hitan ahi.

Hiche ni a chu thal choilou Indian miho Amritsar a Jallianwalla Bagh open space a ana kikhom ho chu British troops in ana kap ahi.

General Reginald Edward Harry Dyer hiche pachunBritish Army ho thal ana kapsah a mi 379 ana thi in 1200 tobang ana lem uvin ahi.

North East a Assam a Nellie kitina ah Bengali Muslim ho vetdana in 18th Feb. 1983 in kithana ana um in mi 2191 athi e akitin ahi.

Hiche hi Assam Movement toh kimat a kithana gimnei pen ahi.

Hiche tobang Masaacre mi tamtah kithana hi leiset chunga mun tamtah a ana um jongleh history a kidangtah leh gimnei pen a kisei chu Cambodian massacre kiti April 1975 to 7th January 1979 kikah a Cambodia kikah a Khmer Rouge Communist Party of Campuchia General Secy. Polpot lamkai na a mihem 8 million lah a 1.7 to 2.5 million kitha khel a tamjo leh khohse jo aum naipon ahi.

Vangphat umtah in Vietnamese Army hon 1978 a gal ahin bolva Khmer Rouge hochu tople asuhlhah uva chu kithana chu hung kichai bep ahi.

Hiche kitha kimatna hi ichan geia khohse em iti leh
The Killing Fields
kiti film khat ana kisemlo ahi.

Hiche chungchang ahin U.N investigation hon 2 to 3 million athi in UNICEF hon 3 million agingmo uvin Demograhic Analysis Patric Havellin in mihem kithat hi 1.17 million to 3.42 million hinte atin ahi.

Marek in alhom lam a 1.8 millions hiding in asei in
Khmer Rouge ho jeng injong 2 million hobeh kithat inte atin ahi.

Khonung 1979 in UN leh Red Cross Official hon 2.25 millions ana thi uvin athina jeh uchu an ngol starvation leh Cambodian Society Communist lamkai Polpot in an suhset jeh ahi atin ahi.

Second World War laiyinGerman Dictator Adolf Hitler in Gas Chamber ah Jews 60 lakhs ana that in ahi.

Tuni a iseinom uchu Kuki ten ana thoh tobang hi leiset chunga munchom chom a ana umsa ahi.

Eiho hi amasapen leh anukhah pen kihilou ahi.

Politics jeha Massacre kito hi amasapen jong ahipon anukhah pen jong hilou maithei ahi.

I hetcheh ding uchu hiche NSCN IM hon Manipur a thisan a kinaipi Naga kiso ho ahin til doh uva Kuki te numei chapang khenlou a mona neilou gimnei tah a
mi 1157 val ahin tha,. uhi ajeh pipen chu gam kaneiuve tia lhutnalhei political Forum ho lah a anapoh doh uchu UN leh lhumlam Christian gam ho ana lhep uchu nagam uh hoilai ham tia ahindoh uleh hichan hi kagam uh ahi tia tha leh mat ahinbol keo hilou a
Kuki kho 360 val ahin deldoh uva mi lakh 1 tobang chomkhat chu a
Gam uva Refugee a ana vahleo ahi.

Hiche phatlai a chu Chief Minister Rishang Keising chuphat lai Governor Gen VK Nayer in ima jouse konna hi Rishang ahi tia a report leh KUKI INPI lamkai kahe tihon ana huhdoh uva GUV pu in
thudih kasei leh kakham lost kabol e ana tin ahi.

Tukum 2021 13th September hi Kuki te Sahnit ni 28 ahi kum ahitan ahi.

Kuki te lah a kiphat lhem sah Hypocrate iti diu ham kimkhat in bol bol tahlou ding ahi tia Pathen thunit dan a kholhang asap uhi abollou ding dol uh ahi.

Hiche SAHNIT
kibol hi phulah ding tina ahipon sopi ule nao inko louko mona neilou a tha leh mat a umho jana leh ngailut vetsahna a kibol ahi.

Athisaho nunggel doh kit chu Pathen thutoh akikal na aumpon Kuki te chondan a Sahnit kitichu tonlai khanga kipat a hung kimang peh ahi.

Hiti ahijehin SAHNIT NIKHO ahi Tuilangkol a Gelnel ho man bangin khotin leh muntinna kimang thei hih jongleh i inmun chet a ponvom tahdoh a ahithei lehHouin , Community Hall ham hoilai ham a kikhop khom na bol a Sahnit thu programme neichu kilom leh dei um ahi.

2019 kum in Sahnit Silver Jubilee nitna in Tuibong KIC Centre ah song hondohna ina nei uvin mipi asang sang in iki khom uvin inko louko anu apa asopi ule nao a thiho dingin jong lungmonna lentah ana pethei in ahi.

Tuilangkol a Gelnel kho mi te honvang khopam umjousen khosung anungdel uvin khosunga um jousen sangkhol toka nihchen ponsil avom in akivon uvin Sahnit nikho achom beh Unique leh kilom tah in amang uvin ahi.

HICHE SAHNIT KIBOL HI ATHISA HO JABOLNA KHATLEH KHAT KINGAILUT NA JEH A KINUNG GELDOH KITNA NIKHO AHI.

Articles hi anom lheh e nati le anoiya “LIKE” button khu meh in writer ho na support nau vin, chule seinom nanei le anoiya comments nahin bolthei u ahi.

Site nalut a notification pop up hung potji ho allowed anabol ji uvo maban a thusim thah ahung ki post teng notice namu ji diu chule Bell button a subscribe kiti chu meh un.

Previous articleLHALAM CHOLLHANU-I
Next articlePu Lalkhohen Thangeo thi dan thusim

LEAVE A REPLY

Please enter your comment!
Please enter your name here